Connect with us

Адеми ја пропушта Риека, Динамо се надева на негово враќање против Рапид

Аријан Адеми се врати повреден на Максимир откако играше за репрезентацијата на Македонија за време на септемвриската репрезентативна пауза. Имено, во 22. минута од натпреварот со Германија, германскиот репрезентативец Каи Хаверц му падна на нога, при тоа, повредувајќи го нашиот фудбалер.

Во Динамо го чекаа неговото враќање за да видат колку е сериозна повредата. Иако боли многу, не изгледа премногу сериозно, но повеќе детали ќе се знаат по новите прегледи. Сигурно е дека нема да биде таму за саботното дерби на „Рујевица“ со Риека, што е голем хендикеп за “сините” бидејќи се знае колку е важен Адеми како играч на тимот на тренерот Дамир Крзнар.

Од Хрватска, уверуваат дека секој ден ќе направат се во нивна моќ за Адеми да се појави на важниот натпревар помеѓу Динамо и Рапид во Виена, во третото коло на Лига Европа. Но, доколку добие зелно светло за враќање на терените, сигурно ќе ја загуби формата бидејќи тешко дека дотогаш ќе може да тренира посериозно.

30-годишниот фудбалер од средниот ред навистина нема среќа со повредите, бидејќи тукушто се врати по долго време надвор од терените, пристигна нова повреда.

Advertisement

Facebook

Тимови