Сопственикот на Челси, рускиот тајкун Роман Абрамович наводно биле отруен по мировен состанок меѓу претставниците на Украина и на Русија. Тој имал симптоми на црвени очи и паѓање на кожата, тврди „Вол стрит џурнал“.
Абрамович и два члена на украинскиот преговарачки тим веднаш по состанокот добиле болни симптоми. Рускиот милијардер наводно добил порака од рускиот претседател Владимир Путин со закана за украинскиот претседател Володимир Зеленски во која стоело: „Кажи им дека ќе ги уништам“.
Абрамович веднаш по почетокот на војната во Украина беше посочуван како можен преговарач поради добрите релации со Путин, но и со дел од украинските олигарси.
