Менаџерот на Ливерпул, Јирген Клоп, денеска потврди дека Диого Жота заработил нова повреда.
Португалецот се повреди во победата над Фулам и ќе отсуствува околу 15 дена, што значи дека ќе го пропушти претстојниот „Мерсисајд дерби“.
„Жота се здоби со полесна повреда и нема да можеме да сметаме на него околу две недели“, потврди Клоп.
Освен на гостувањето на „Гудисон парк“, Жота ќе ги пропушти и дуелите со Вест Хем и со Тотенхем.
Се очекува повторно во напаѓачкото трио да бидат Луис Дијаз, Мохамед Салах и Дарвин Нуњез, иако не е невозможно да игра и Коди Гакпо.
Натпреварот Евертон – Ливерпул се игра утревечер од 21 часот.
