Јирген Клоп го напушта Ливерпул на крајот од сезоната, а клубот од „Енфилд Роуд“ сѐ уште го бара неговиот наследник. Првично се тврдеше дека Чаби Алонсо е фаворит за оваа функција, потоа во играта се вклучи и Рубен Аморин, тренерот на Спортинг Лисабон, а сега медиумите на Островот откриваат дека се појави трет сериозен кандидат.
Ексклузивни информации од извор близок до Ливерпул откриваат дека за менаџерското место е интервјуиран актуелниот менаџер на Вулверхемптон, Гери О’Нил.
О’Нил е на чело на Вулвс од август 2023 година, а претходно беше тренер на Борнмут.
