Баерн Минхен ќе му плати 12 милиони евра отштета на Томас Тухел

Германскиот првак Баерн Минхен на лето ќе му плати отштета од 12 милиони евра на тренерот Томас Тухел за да го раскине договорот, пренесува „Билд“. Според изворот, клубот ќе мора да ја исплати платата што му следува за календарската година.

Тухел летово ќе ја напушти функцијата. Одлуката за разделба дојде по меѓусебен договор.

По 26 кола во Бундес-лигата, Баерн Минхен е на второто место со 10 бода помалку од лидерот Баер Леверкузен.