Бранителот на титулата во Првата женска фудбалска лига, Љуботен од Тетово, оствари убедлив триумф од 6-1 во дербито на 16. коло против Ас Јунајтед од Струга.
Љуботен поведе преку Викториа Талита, а стружанки израмнија со голот на Максути. Во вториот дел, актуелниот шампион постигна пет гола. Присила Едите беше двоен стрелец, а погодија и Николовска, Петкова и Марковска.
ЖФК Каменица Саса со 1-0 го победи тимот на Скопје, а единствениот гол на мечот во Македонска Каменица беше дело на Маринковска во 80. минута.
Прва женска лига, 16.коло – резултати
Топ Гол – Шкендија 2-0
Каменица Саса – Скопје 1-0
Тиверија – Истатов 5-0
Речица – Цевитана 3-1
Љуботен – Ас Јунајтед 6-1
Табела: Љуботен 41, Саса 40, Тиверија 35, Ас Јунајтед 35, Скопје 25, Истатов 15, Цевитана 13, Шкендија 10, Топ Гол 9, Речица 8.
