Во Македонија, за време на изборни денови традиционално не се одигруваат фудбалски натпревари, а истата пракса ќе се примени и годинава.
Бидејќи првиот круг од локалните избори е закажан за 19 октомври, сите натпревари од 10. коло во Првата македонска фудбалска лига (ПМФЛ), како и оние од Втората лига (ВМФЛ), ќе бидат одложени и пренасочени за нов термин.
Одлуката е донесена со цел да се гарантира безбедноста, редот и непречената организација на изборите, а истовремено да се обезбеди мирно и безинцидентно продолжување на спортските активности во следниот период.
