Фудбалерите и стручниот штаб на македонскиот прволигаш Гостивар, собраа донации како дел од поддршката и солидарноста за Палестина, известува Анадолу.
ФК Гостивар, кој е на зимски подготовки во туристичкиот центар Белек во Анталија, потпиша протокол за соработка со Турската младинска фондација (ТУГВА) за кампањата за донации за Палестина.
Говорејќи во програмата организирана од локалното претставништво на ТУГВА во Анталија во хотелот во кој е сместен ФК Гостивар, капитенот на тимот, фудбалерот Алпер Потук, рече дека започнале кампања за солидарност за палестинските деца со слоганот „Секој фудбалски навивач и филантроп“.
Изјавувајќи дека Израел продолжува да убива невини луѓе и деца во Палестина, поранешниот фудбалер на Фенербахче, Потук, рече:
„Јас сум фудбалер, ние сме фудбалски тим. Овде тренираме и играме фудбалски натпревари. Сепак, тажни сме бидејќи додека ја работиме нашата нормална работа овде и го продолжуваме нашиот нормален живот, војната продолжува во Палестина и се убиваат илјадници деца. Ние, како секој совесен човек, сакаме децата да играат фудбал на улица, а не да гинат во војни. Како ФК ‘Гостивар’, донациите што ги собравме ги предадовме на ТУГВА за да може да им бидат доставени на нашите браќа Палестинци. Се надеваме дека војните ќе завршат и во Палестина и во светот и ќе завладее мир.“
Заменик-претседателот на ТУГВА, Бахадир Јилмаз, исто така, изјави дека терористичката држава Израел, непочитувајќи го меѓународното право, секојдневно продолжува со своите одвратни напади што се неспоиви со човечкото достоинство.
„Со ова примерно однесување сакаме да покажеме дека фудбалот не е само спорт, дека добрината е возможна и преку спортот и да бидеме надеж за нашите угнетени браќа Палестинци. Се надеваме дека и спортските клубови од нашата земја, под раководство на нашата фудбалска федерација, ќе покажат иста чувствителност кон Палестина.“.
Мерт Топчуоглу, претставник на ТУГВА од областа Анталија, изјави дека на секоја платформа ќе продолжат да зборуваат за правата и да го бранат угнетениот и горд палестински народ.
По обраќањата на говорниците, фудбалерите и стручниот штаб донираа коверти во кутијата поставена во салата.
