Македонскиот прволигаш Шкендија е на прагот да обезбеди уште едно квалитетно засилување за пролетниот дел од сезоната. Во завршни преговори е за ангажман на Роналдо Вебстер, крилниот напаѓач на Брегалница кој остави одличен впечаток во есенскиот дел од шампионатот.
Вебстер наводно веќе ги договорил условите со Шкендија и се чека само „дил“ меѓу двата клуба.
Претходно, Шкендија се засили со младинскиот репрезентативец Ване Крстевски од Брера и потпиша професионален договор со својот младинец Анес Мелиќи.
