Португалскиот тренер Жозе Мурињо го даде својот прв коментар откако беше отпуштен од тренерската функција во Рома.
Тој ја искористи социјалната мрежа Инстаграм за да објави порака со неколку зборови.
„Пот, крв, солзи, радост, тага, љубов, браќа, историја, срце, вечност“, напиша Мурињо.
Негов наследник на чело на „волчицата“ барем до лето е клупскиот симбол Даниеле де Роси.
Мурињо помина 2,5 години со жолто-црвениот тим на „Олимпико“ и стигна до две финалиња на европските турнири – победи во Конференциската лига, загуби во Лига Европа.
Сепак, Специјалниот не можеше да ја врати Рома во Лигата на шампионите, а не изгледаше дека ќе може да го направи тоа и оваа сезона. Рома моментно е на деветта позиција во Серија А.
