Најтрофејниот македонски клуб Вардар продолжува да се засилува. Нов играч на „црвено-црните“ е 26 – годишниот словенечки интернационалец Лука Шушњара.
Тој доаѓа од екипата на Валета од Малта, а игра на позицијата лево крило.
Во досегашната кариера има настапувано за Домжале, Цеље, Мура, Копер, Табор Сежанa, Ролтек Доб (Словенија) Шамбли (Франција) Висла (Полска), Шибеник (Хрватска), Валета (Малта), како и за младиот тим на Аталанта од Бергамо.
Лука Шушњара има настапувано за младинските репрезентации на националната селекција на Словенија.
