Германскиот првак Баерн Минхен сака да го „врзе“ Лирој Сане на подолг период. Тој игра одлично за баварскиот тим во тековната сезона.
Девет гола и 11 асистенции е учинокот што го постигна Лирој Сане од крилните позиции оваа сезона во Баерн. Договорот со германскиот гигант му е со важност до крајот на сезоната 2024/25, а клубот се надева дека ќе го продолжи.
„Не брзаме, но ќе преговараме. Ние сме многу, многу задоволни од него. Ова е неговата најдобра сезона во клубот, па сигурен сум дека ќе остане во Баерн уште долго”, изјави спортскиот директор на Баерн, Криштоф Фројнд.
