Селекторот Лионел Скалони ќе остане на кормилото на репрезентацијата на Аргентина најмалку до претстојниот турнир на Копа Америка на лето, каде тимот ќе ја брани титулата, објавија локалните медиуми, цитирани од „Ројтерс“.
Веста беше објавена откако претседателот на аргентинската фудбалска централа Клаудио Тапија се сретна со Скалони за да разговараат за претстојните активности на националниот тим и турнеите во Кина и во САД.
„Лионел Скалони ќе остане на кормилото и ќе го води тимот на Копа Америка. Официјалната потврда се очекува за неколку дена“, информираше аргентинската телевизија „TyCSports“.
