Баерн Минхен од следната сезона би можел да добие нов тренер. Како што тврди „El Chiringuito“, нов шеф на стручниот штаб на Баварците треба да биде Чаби Алонсо.
Тој има одлична сезона на кормилото на Баер Леверкузен, а за него интерес појавува и Реал Мадрид, како можен наследник на Карло Анчелоти.
Чаби Алонсо беше дел од Баерн Минхен како фудбалер, настапуваше на „Алијанц арена“ од 2014 до 2017 година и за гигантот одигра 117 натпревари, освојувајќи три трофеи во Бундес-лигата, Купот и Сууперкупот на Германија.
41-годишниот стратег тренерска кариера ја започна во младинскиот тим на Реал Мадрид, потоа го предводеше Б – тимот на Реал Сосиедад, а од октомври минатата година го презеде кормилото на Баер Леверкузен и е неверојатно успешен.
