Поранешниот капитен на Наполи, Лоренцо Инсиње, кој моментно игра во Торонто, би можел да се врати во Серија А, тврдат италијанските медиуми.
Лацио е главниот фаворит за потписот на 32-годишниот фудбалер. Напаѓачот е подготвен да се врати во италијанското првенство. Тој е дел од Торонто од 2022 година, а договорот му е до 2026 година.
Сезонава Инсиње одигра 20 натпревари во МЛС-лигата, постигнувајќи четири гола и четири асистенции.
Во летото 2022 година, крилниот напаѓач беше пред трансфер во Лацио. Сепак, тогаш дојде до несовпаѓање во барањата за платата меѓу него и раководството на клубот.
