Интер е подготвен да го награди Матео Дармијан со двегодишно продолжување на актуелниот договор. Сестраниот дефанзивец е врзан за клубот до крајот на сезоната, но неговиот договор има опција да биде продолжен за уште една година. Сепак, според „Тутомеркато“, Интер сака да го врзе на подолг период до јуни 2026 година.
Фудбалерот следниот месец полни 34 години и неодамна го постигна вториот гол за Италија, на дуелот против Македонија во Рим.
Дармијан стана клучна фигура за Симоне Инзаги бидејќи може да игра на позицијата десен бек, лев бек, во центарот на одбраната, па дури и во средниот ред.
Откако дојде во Интер од Парма, првично на позајмица во 2020 година, а потоа трајно за 3,3 милиони евра, Дармијан доживеа вистинска ренесанса во својата кариера.
За „нероаѕурите“ досега има 131 настап, осум гола и десет асистенции, освојувајќи го Скудетото во 2021 година како и Купот на Италија и Суперкупот на Италија во 2022 и 2023 година.
