Кристијано Роналдо прв ја прифати понудата од Ал-Наср вредна 200 милиони евра по сезона, а потоа Саудиска Арабија стана омилена дестинација за многу фудбалски ѕвезди. Наскоро би можеле таму да го видиме и капитенот на Манчестер Јунајтед, Бруно Фернандеш.
Богатите клубови од Саудиска Арабија им понудија огромни суми на играчите за да ги привлечат во нивната лига, а бројот на оние кои ги прифатија тие понуди продолжува да расте. Карим Бензема, Нејмар, Ријад Махрез, Марсело Брозовиќ, Садио Мане, Малком, Рубен Невеш, Фабињо… се само дел од имињата кои ги засилија тамошните клубови.
Дали Бруно е следен, останува да се види, но според англиските медиуми, Саудискиот фонд за јавни инвестиции (PIF), кој има мнозински удел во Ал-Наср, Ал-Хилал, Ал-Итихад и Ал-Ахли, сака да го донесе токму Фернандеш. Се најавува почеток на преговори со неговите претставници.
Португалскиот играч за врска пристигна во Манчестер Јунајтед во јануари 2020 година за сума од 55 милиони евра и дополнителни 25 милиони преку бонуси. Спортинг, од каде го направи трансферот, има право на 10 отсто од неговата следна продажба. За гигантот од „Олд Трафорд“ одигра 200 натпревари со ефект од 67 гола и 57 асистенции, а договорно е врзан до крајот на јуни 2026 година.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski