Шпанскиот гигант Реал Мадрид го врза и вториот Бразилец од навалната линија. „Кралскиот клуб“ објави дека Родриго стави потпис на нов договор до 2028 година.
Пред два дена и Винисиус Жуниор потпиша нов договор со Реал Мадрид.
„Реал Мадрид и Родриго постигнаа договор за продолжување на соработката со фудбалерот кој ќе биде во клубот до 30 јуни, 2028 година“, стои во клупското соопштение.
Во договорот на Родриго исто така има откупна клаузула од една милијарда евра.
