Интер ја победи Рома со 1-0 и се врати на првата позиција на табелата во Серија А. Тоа беше осми триумф за „нероаѕурите“ оваа сезона и со 25 бода се на врвот, со два бода позитива во однос на Јувентус.
„Омразениот“ Ромелу Лукаку се врати на „Џузепе Меаца“ и доби многу свирежи, а аплаузите ги заслужи Маркус Турам. Францускиот интернационалец во 81.минута успеа да ја затресе мрежата на Рома по асистенцијата на Димарко од левата страна.
Интер беше убедливо подобар во текот на мечот, но дури во финишот успеа да го пробие бедемот на Жозе Мурињо.
