Лидерот на второлигашката табела, тимот на Беса, планира нови три бода на денешниот натпревар против Арсими. Сепак, ќе треба и на теренот да го покаже својот квалитет.
Детонит Плачковица се проби на втората позиција, а ако сака таму и да остане ќе треба денеска да слави против Беласица во Струмица.
Охрид сака да ја продолжи победничката серија и на дуелот против Пелистер на „Билјанини извори“.
Тетекс е домаќин на ФК Скопје, а Новаци ќе ја пречека Каменица Саса. Башкими поради казната повторно ќе биде домаќин во с. Мала Речица и ќе игра против Вардар Неготино, додека Победа се среќава со Караорман.
Кожуф во ова коло е гостин на Осогово во Кочани.
Сите натпревари се закажани за денеска, од 13 часот.
