Младинскиот репрезентативец Бојан Миовски игра во фантастична форма во дресот на МТК во унгарското првенство. Во последното коло тој постигна погодок во ремито (2-2) против Хонвед и се наоѓа на третото место на листата на стрелците со шест постигнати гола.
Игрите на Бојан Миовски не остануваат незабележани и од најдобрите клубови во Унгарија. Ференцварош, како што најавуваат унгарските медиуми, веќе се заинтересирал за Миовски и ќе се обиде да го доведе во зимскиот преоден рок. Миовски на стартот на сезоната од Ренова направи трансфер во унгарскиот прволигаш МТК и таму прикажува одлични партии.
