Поранешниот бразилски напаѓач Роналдо Назарио верува дека Лионел Меси треба да ја освои „Златната топка“ оваа година.
Роналдо (47), добитник на престижната награда во 1997 и во 2002 година и популарно познат како Феномен, изјави дека она што Меси го постигна на Светското првенство во 2022 година е посебно.
„Златната топка без сомнение треба да ја добие Лионел Меси“, коментираше Бразилецот за телевизијата „ТНТ Спортс“.
„Она што го направи на Светското првенство беше посебно. Ме потсети на настапот на Пеле и на Марадона“, додаде Роналдо Назарио.
