Напаѓачот на Пари Сен Жермен, Килијан Мбапе, мора да најде нов агент откако неговата мајка не ја добила потребната ФИФА лиценца, пишува „Марка“.
Мадридскиот спортски весник пишува дека мајката на францускиот репрезентативец не е запишана во регистарот на менаџерите на ФИФА и сега не може да преговара во име на нејзиниот син.
24-годишниот Мбапе игра за Пари Сен Жермен од сезоната 2017/18. Неговиот договор со францускиот шампион е до јуни 2024 година. Големата француска ѕвезда веќе подолг период е во преговори со Реал Мадрид, но ПСЖ двапати успеа да го убеди да остане на „Паркот на принцовите“.
