Федерико Валверде и Едуардо Камавинга потпишаа нови договори со Реал Мадрид и тоа допрва ќе биде официјално објавено, пренесува „Кадена коп“. Играчите од средниот ред ги продолжуваат договорите до 2028 година.
Претходниот договор на 25-годишниот Уругваец беше до 2027 година, а на 20-годишниот Французин – до 2025 година.
И двајцата ќе уживаат во зголемување на платата. Откупната клаузула на Камавинга скокна на една милијарда евра.
Камавинга дојде во Реал Мадрид од Рен во 2021 година за 31 милион евра. Валверде се приклучи на академијата на мадридскиот клуб од Пењарол во 2016 година за 5 милиони евра.
