Италијанскиот првак Наполи сѐ уште официјално го нема отпуштено тренерот Руди Гарсија, но прашање е кога тоа ќе се случи. Наполи работи на раскинување на соработката според која на Французинот ќе му биде исплатена отштета од околу 3 милиони евра, но во исто време се работи и на пронаоѓање на негов наследник.
Италијанските медиуми пишуваа за тоа дека Аурелио де Лаурентис за попладнево закажал средба со Антонио Конте, но темпераментниот стратег решил да не ја прифати понудата од првиот човек на Наполи.
По тој повод се огласи на Инстаграм.
„Ме поврзуваа со многу важни клубови, но засега мојот план е да почекам и да уживам со моето семејство“, напиша Антонио Конте.
