Голманот Методија Велковски се сели во бугарскиот Септември Симитли

Младиот чувар на мрежата Методија Велковски почнува интернационална кариера. Досегашниот голман на второлигашот Осогово заминува во Бугарија и ќе биде член на тамошниот второлигаш Септември Симитли. 

Велковски имаше повик и за репрезентацијата У-21, а оваа зима и понуди од неколку македонски клубови. Сепак, реши да замине во Бугарија. 

Претходно, тој беше член на Кадино, а во младинските селекции настапуваше за Вардар.