Македонскиот репрезентативец Бобан Николов е нов фудбалер на Лече. Италијанскиот клуб го претстави најновото засилување во „црвено-жолтиот“ дрес и го најави како една од инвестициите кои треба да помогнат Лече експресно да се врати во Серија А.
Лече во моментот се наоѓа на шестата позиција на табелата во Серија Б со 29 бода, осум помалку од лидерот Емполи. Бобан Николов се очекува да дебитира на неделното дерби токму против Емполи на домашен терен.
