Елиф Елмас е еден од најголемите таленти на Балканот и во Европа и заслужува да биде стартер во тимот на Наполи. Но, Џенаро Гатузо има огромна конкуренција во составот и томму затоа Елмас понекогаш мора да остане на клупата за резерви.
Селекторот на фудбалската репрезентација на Македонија, Игор Ангеловски, за италијанскиот медиум „КалчоНаполи24“ истакна дека Елиф Елмас е неверојатен фудбалски талент и дека заслужува да има голема минутажа во тимот на „наполитанците“.
„Елмас има огромен квалитет и може без проблем да настапува на неколку позиции. Тој е поливалентен фудбалер, а јас го користев како офанзивен играч за врска, а во некои периоди од мечевите и како напаѓач. Елиф заслужува да биде стартер и да игра стандардно за Наполи. Но, јасно ми е и дека Џенаро Гатузо се соочува со голем фонд на фудбалери и конкуренцијата во Наполи е жестока“, изјави Ангеловски за италијанските медиуми.
Македонија во јуни за првпат ќе биде дел од Европско првенство, а Елиф Елмас ќе биде еден од најголемите адути на селекторот Игор Ангеловски.
