Сите клубови од Европа ги продаваат своите ѕвезди на Саудиска Арабија, но каталонскиот гигант Барселона ќе се обиде да добие играч оттаму. Весникот „Спорт“ тврди дека Барселона би можела да потпише со Андерсон Талиска, кој е соиграч на Кристијано Роналдо во Ал-Наср.
Саудискиот клуб им го понуди играчот на Каталонците. 29-годишниот Бразилец Талиска ја докажа својата класа минатата година, постигнувајќи 21 гол и две асистенции во 27 натпревари за Ал-Наср.
За споредба на неговите квалитети, каталонскиот весник нагласува дека Кристијано Роналдо има 17 гола на 35 натпревари. Ал-Наср лесно може да се раздели со Бразилецот, бидејќи веќе го наполни тимот со квалитетни играчи од европските првенства.
Барселона беше заинтересирана за повторно ангажирање на Нејмар и на Бернардо Силва, но ја загуби трката за двајцата. Позитивно за играчот е тоа што тренерот на Барса, Чави Хернандез, го познава, му се допаѓа и сигурно би го ангажирал, особено по трансферот на Осман Дембеле во Пари Сен Жермен.
