Манчестер Јунајтед ќе испрати нова понуда за дефанзивецот на Баерн Минхен, Бенјамин Павар, тврди „Билд“. Англичаните се подготвени да платат околу 35 милиони евра за 27-годишниот Французин.
Бараната цена од раководството на Баерн е многу повисока, тие инсистираат да добијат помеѓу 45 и 50 милиони евра.
Баварскиот клуб веќе ја одби првата понуда на Манчестер Јунајтед за Павар. Вредеше 30 милиони евра.
Францускиот интернационалец минатата сезона забележа 43 настапи во сите натпреварувања и постигна седум гола. Неговиот договор со Баерн Минхен е до летото 2024 година, но тој не крие дека сака да си замине.
