Раководството на Манчестер Сити ги известило Пари Сен Жермен и Барселона дека немаат желба да преговараат и да се разделат со Бернардо Силва под никакви околности. „Граѓаните“ дури планираат што поскоро да му дадат предлог за нов договор на играчот од средниот ред.
Веќе подолго време се шпекулира дека двата тима покажуваат сериозен интерес за Бернардо Силва, а уште минатото лето се појави информација дека и самиот фудбалер сакал дождливиот Манчестер да го промени со сончевата Барселона.
Сепак, Пеп Гвардиола успеа да го убеди играчот да остане на „Итихад“ уште една сезона, во која „граѓаните“ ја освоија и тројната круна. 28-годишниот поранешен играч на Монако има договор до летото 2025 година.
Манчестер Сити ја започнува својата сезона утре со натпреварот против Арсенал за „Комјунити Шилд“.
