Легендарниот италијански голман Џанлуиџи Буфон продолжува да биде дел од фудбалот и од националниот тим, иако пред неколку дена донесе конечна одлука да ја заврши кариерата.
Буфон ќе биде член во стручниот штаб на Роберто Манчини, а ќе ја извршува и функцијата тим лидер на „аѕурите“. Првото гостување на новата функција ќе го има во Скопје, на 9. септември, против селекцијата на Македонија, во квалификациите за ЕВРО 2024.
„Се враќам во репрезентацијата, затоа што детето кое пред 30 години за првпат ја помина портата во Коверчано, сè уште сака да сонува и да го живее сонот заедно со италијанските тифози“, објави легендарниот голман.
