Струга ТЛ против Есперанж ќе игра во Скопје

Македонскиот шампион Струга Трим Лум во третото квалификациско коло од Конференциската лига ќе игра против Есперанж од Луксембург, но сега ќе се пресели од Охрид во Скопје.

Првиот натпревар е закажан во Скопје на Националната арена „Тодор Проески“ на 10 август. Од третото коло во квалификациите, арената во Скопје е единствениот акредитиран стадион во нашата земја за европски натпреварувања.

Реваншот меѓу Струга и Есперанж се игра во Луксембург на 17 август.