Силекс се засили со српскиот дефанзивец Иван Шуберт

Македонскиот прволигаш Силекс ја засили одбраната со српскиот интернационалец Иван Шуберт. Тој настапува како централен дефанзивец и треба да ја засили конкуренцијата во составот на Горазд Михајлов.

29-годишниот српски интернационалец во Силекс доаѓа од редовите на Слобода Тузла од БиХ.

Претходно во својата кариера има настапувано и за Доњи Срем, Земун, Раднички Шид и за Нови Пазар во шампионатот на Србија, како и за екипата на Ал-Оруба во Оман.