Капитенот Горан Пандев го одигра 101-от натпревар за македонската репрезентација со што се издвои веќе како осамен рекордер во историјата на репрезентативниот фудбал. Фудбалерот на Џенова потенцира дека може да бидеме задоволни од ремито во Љубљана против квалитетна селекција како Словенија.
„Одигравме тежок натпревар, но одговоривме со цврста, динамична игра. Мислам дека имавме и подобри шанси од Словенците, можеби заслуживме и три бода но мора да кажам дека ова е добар бод за нас. Имаше на моменти и груба игра, тензичен дуел, но така се игра кога се настапува во репрезентативниот дрес“ -истакна Горан Пандев по натпреварот на „Стожице“.
