Галатасарај се вклучи во трката за потпис на играчот од средниот ред на Манчестер Јунајтед, Бразилецот Фред. Турскиот клуб доставил првична понуда за бразилскиот интернационалец, но таа веднаш е одбиена од „Олд Трафорд“.
бидејќи не одговараше на цената одредена за играчот.
Неколку клубови се подготвени да лицитираат за Фред. Некои од нив се од Саудиска Арабија, а некои од Премиер – лигата, на пример Фулам.
30-годишниот фудбалер е еден од оние со кои „врвените ѓаволи“ би сакале да се разделат ова лето, а бараната цена е околу 30 милиони фунти.
Фудбалерот од средниот ред е на „Олд Трафорд“ од 2018 година, а досега одигра 213 натпревари, со 14 гола и 19 асистенции за тимот.
