Англискиот премиерлигаш Њукасл е заинтересиран за крилниот напаѓач на Јувентус, Федерико Киеза. На клубот од Торино му требаат свежи финансиски средства и тоа би можело да го натера италијанскиот гигант да се раздели со играчот.
Њукасл веќе испратил понуда до Јувентус за трансферот на 25-годишниот италијански репрезентативец.
Договорот на фудбалерот со Јувентус е до летото 2025 година.
Киеза би можел да биде вториот фудбалер од Серија А што ќе ги засили „чавките“. Како што е познато, многу брзо Њукасл и официјално ќе го објави трансферот на Сандро Тонали од Милан.
