Македонскиот второлигаш Пелистер го претстави првото големо засилување, тоа е напаѓачот Симеон Христов кој доаѓа од редовите на Гостивар. Искусниот напаѓач има настапувано за Вардар, Работнички, Македонија ЃП, Тиквеш, а пред 10 години ги бранеше и боите на Пелистер.
“Благодарност до управата и до тренерот за довербата да бидам дел од тимот и се надевам дека сите заедно ќе успееме во зацртаната цел за влез во ПМФЛ. Ова е мое второ доаѓање во Битола и имам прекрасни спомени од тука. Ова е фудбалски град со голема традиција и навивачи кој заслужува место во ПМФЛ”, истакна Симеон Христов.
