Штутгарт е блиску до опстанок во Бундес-лигата откако го совлада Хамбургер со 3-0 на домашен терен во првиот меч од плеј-офот за пополнување на елитното германско друштво.
Домаќините беа подобри и заслужено стигнаа до убедлива победа, а разврската ќе биде во Хамбург на 5.јуни, кога се игра реваншот.
Мавропанос во првата минута донесе водство за Штутгарт, а Гираси не реализира пенал. Сепак, во вториот дел, Вагноман и Гираси стрелаа уште двапати, за убедлив триумф. Хамбургер од 69.минута играше со фудбалер помалку поради исклучувањето на Сухонен.
