Менаџерот на Арсенал, Микел Артета, сака неговиот тим да се подобри следната сезона. „Топчиите“ ја завршија сезоната на второто место, победувајќи го Вулверхемптон со убедливи 5-0 во последното коло.
Арсенал беше на врвот во Премиер – лигата 248 дена пред да ја прекине серијата во која постигна само две победи на осум натпревари.
Сепак, тимот успеа да се квалификува за Лигата на шампионите за првпат од 2017 година и Артета е задоволен што тимот ја оствари една од нивните главни цели.
„Сакавме да го вратиме тимот во Лигата на шампионите, тоа беше нашата главна цел“, изјави Шпанецот. „Првенството започна и по секој натпревар се чувствувавме како да се движиме во вистинската насока и енергијата и духот беа навистина добри. Имавме и верба“, додаде Артета.
„Не очекувавме да завршиме таму каде што сме. Мислам дека ова е третото најдобро достигнување по победи во историјата на клубот“, се пофали стратегот на Арсенал.
„Направивме многу, сè уште не доволно за да освоиме титула, но мислам дека е јасно какво е нивото на Премиер-лигата. Ако сакаме да се бориме за титулата, мора да бидеме многу подобри следната сезона“, смета Артета.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski