Италијанскиот стратег Андреа Пирло доби отказ од турскиот прволигаш Караѓумрук, потврди клубот.
Пирло го презеде тимот во јуни минатата година, кога потпиша едногодишен договор.
„Им дозволивме на Андреа Пирло и неговите асистенти предвреме да го напуштат клубот за да можат да си ја планираат иднината. Ќе се обидеме да победиме во преостанатите натпревари во лигата и да го искористиме времето за да направиме план за наредната сезона“, стои во официјалното соопштение на Караѓумрук.
Во последниот натпревар на кормилото на тимот, Андреа Пирло загуби од Трабзонспор со 4-1.
Тој пред авантурата во Турција, беше на кормилото на Јувентус, а имаше фантастична фудбалска кариера играјќи за Интер, Милан и за Интер.
