Тренерот на Барселона, Чави Хернандез, го коментираше можното враќање на Лионел Меси на „Камп Ноу“. Тој сподели дека тоа зависи од многу работи.
„Враќањето на Лионел Меси виси во воздух. Тоа зависи од многу работи…“, изјави Чави.
„Меси е спектакуларен фудбалер и тој е личност со која сум пријател. Ќе видиме дали тоа ќе се случи. Тоа зависи и од намерата и желбата на Лео“, истакна тој.
Тренерот на Барселона ги коментираше и гласините за интерес за играчот од средниот ред на Баерн Минхен, Џошуа Кимих.
„Се работи за многу добар играч, еден од најдобрите на својата позиција. Нема да кажам повеќе од тоа. Привлекувањето на нов десен бек не е приоритет. Бускетс заминува и ние треба да најдеме замена“, дополни Чави.
