Баерн Минхен загуби дома од Лајпциг со 1-3 и тоа можеби ќе биде пораз кој ќе и овозможи на Борусија Дортмунд да ја освои шампионската титула во Бундес-лигата. „Милионерите“ имаат бод помалку од Баерн, но утре ќе играат на гости против Аугсбург и со триумф ќе се искачат на врвот, во пресрет на последното коло.
Серж Гнабри донесе предност за Баерн Минхен во 25.минута, но израмни Конрад Лајмер во 65.минута. Потоа Нкунку од пенал донесе пресврт, а во финишот Лајпциг уште еднаш реализираше од пенал преку Шобошлаи.
