Винсен Компани ќе остане менаџер на Барнли во следните пет години, соопштија од клубот, откако Белгиецот потпиша нов договор. Неговата добра работа не остана незабележана и се шпекулираше дека за него се заинтересирани дури и Тотенхем и Челси кои бараат нови менаџери.
Компани, кој го презеде Барнли минатото лето, ја коментираше веста за новиот договор.
„Од самиот почеток се чувствував добро во Барнли и сега чувствувам дека е правилно да потпишам уште пет години. Заедно со навивачите, „Турф Мур“ повторно го претворивме во тврдина. Продолжуваме да гледаме напред и да работиме за да го направиме Барнли подобар во секој поглед“, изјави Компани.
