Официјалниот Фејсбук профил на Фудбалската федерација на Македонија е хакиран, соопшти федерацијата. Во наредниот период информациите кои доаѓаат од тој профил треба да се земаат со голема резерва.
“Фудбалската федерација на Македонија информира дека официјалниот Фејсбук профил на федерацијата (Фудбалска Репрезентација на Македонија) е хакиран.
Ве молиме имајте предвид дека сите пораки кои доаѓаат од таа сметка до понатамошно известување не се авторизирани од ФФМ”, соопштија од Фудбалската федерација на Македонија.
