Жоао Феликс од јануари е дел од Челси, но како позајмен играч од Атлетико Мадрид. Англичаните им платија на Шпанците 11 милиони евра за шестмесечна позајмица, а на крајот од сезоната португалскиот напаѓач ќе се врати во Мадрид.
Сѐ уште не е познато каде ќе ја продолжи кариерата, а најнов клуб кој е заинтересиран за него Њукасл.
Клубот моментно се бори за место во Лигата на шампионите и е заинтересиран да го купи Жоао Феликс. Неговата вредност падна на 50 милиони евра, иако Атлетико Мадрид го доведе од Бенфика пред четири години за 126 милиони евра.
Атлетико Мадрид, сепак, не би го пуштил за сума помала од 70 милиони евра.
Жоао Феликс оваа сезона одигра вкупно 35 натпревари за Челси и за Атлетико Мадрид. Постигна седум гола и трипати асистираше.
