Tренерот на Аталанта, Џанпјеро Гасперини, предизвика втор сериозен инцидент за помалку од два месеци. Тој синоќа го нападнал спортскиот директор на Фиорентина, Даниеле Праде.
Претходн, на 27 февруари Гасперини фрли сендвич од својот автомобил кон навивачите на Милан, по поразот на неговиот тим на гости со 2-0.
Сега во Фиренца, прво се скара со фановите, а потоа физички го нападна спортскиот директор на Фиорентина.
„Расистичка публика“ и „Вие сте крадци“ се зборовите кои Гасперини им ги упатил на навивачите и управата на Фиорентина.
„Тоа не беше сѐ. Тој го плукна и удри спортскиот директор на Фиорентина“, тврди новинарот на „Република“, Матео Довелини, кој бил сведок на настанот.
