Напаѓачот на Милан, Оливие Жиру, е неизвесен за утрешниот реванш натпревар против Наполи во четвртфиналето на Лигата на шампионите. Французинот има болки во Ахиловата тетива на левата нога по грубиот старт на Ким Мин-Јае на првиот меч меѓу двата тима.
Тој е најдобар стрелец на „росонерите“ во ЛШ оваа сезона со четири гола на девет натпревари.
Милан по првиот меч има еден гол предност (1-0) против Наполи, во пресрет на реваншот на стадионот „Диего Армандо Марадона“ во Неапол.
