Гризман со два гола ја среди Алмерија (ВИДЕО)

Атлетико Мадрид ја продолжи победничката низа во Ла Лига откако на домашен терен ја совлада Алмерија со 2-1. Творец на триумфот беше Антоан Гризман кој двапати се запиша во листата на стрелците.

Французинот во петтата минута го отвори резултатот, но со автоголот на Хименез гостите дојдоа до израмнување во 37.минута.

Сепак, Гризман се погрижи Атлетико Мадрид да има предност на одморот со вториот погодок постигнат во 44.минута, на асистенција на Јаник Караско.