Играчот од средниот ред на Реал Мадрид, Тони Крос, одлучи да го продолжи договорот на уште една сезона, пренесува „Марка“.
Актуелниот договор на Германецот со клубот е до летото 2023 година, но тој ќе ја прифати понудата на „кралевите“ за продолжување на една сезона, што е политика на Реал за играчи на возраст над 30 години.
Во тимот на Реал Мадрид, Тони Крос има одиграно 405 натпревари во сите натпреварувања, на кои има постигнато 27 гола и 88 асистенции. Играчот од средниот ред има освоено вкупно 19 големи трофеи, вклучувајќи и четири пехари во Лигата на шампионите.
